Komentatori ukrainas transmetoi gjysmëfinalen e parë të Eurovision nga një bunker i improvizuar si studio

Ukraina kaloi mbrëmë në finalen e Eurovision 2022 pasi grupi Kalus Orkestra morën mbështetje të madhe.

Mbrëmë në një pjesë të Ukrainës u ndoq gara e Eurovisionit dhe në Twitter u shfaq një foto e komentatorit të festivalit atje, Timur Miroshnichenko, i cili e ndoqi dhe e transmetoi atë në televizionin ukrainas.

Miroshnichenko dha komentimin për Eurovisionin nga një studio e improvizuar në një strehë dhe fotografia e tij, e postuar në Twitter nga gazetari britanik i festivalit, William Adams, shkaktoi emocione të reagime të shumta në mediat sociale.

Foto: Grupi përfaqësues i Ukrainës në Eurovision 2022 “Kalus Orkestar”

“Komentatori i Eurovisionit ukrainas Timur Miroshnychenko po transmeton nga një strehë për bomba këtë mbrëmje”, ka shkruar Adams në mbishkrimin e fotos.

Ukraina është favoritja kryesore e bastevënësve këtë vit, dhe mbështetja në bastevënës është një rekord dhe i jep asaj deri në 50% shanse për të fituar.

Gjysmëfinalja e dytë e Eurovision mbahet më 12 maj, ndërkaq finalja e madh të shtunën më 14 maj /Telegrafi/