Sindikatat protestojnë më 1 maj

Sindikata e Pavarur e Sektorit Privat të Kosovës, do të protestojë në Ditën Ndërkombëtare të Punëtorëve, më 1 Maj.

Në këtë ditë, kjo sindikatë do të dalë para Qeverisë nga ora 11:00 deri në 12:00 për t’i shprehur pakënaqësitë e tyre.

Këtë e bëri të ditur për Front Online, kryetari i kësaj sindikate, Jusuf Azemi.

“Nga ora 11:00 deri në ora 12:00 para Qeverisë së Kosovës. Do të jetë një numër simbolikë sepse është një ditë feste, nata e madhe e Bajramit e diele. Unë do ta bëjë këtë protestë me kryetar shoqatave, me zëvendës të kryetareve Shoqatave, që është një numër i limituar”, tha ai.

Sipas Azemit, numri i protestuesve do të jetë i limituar.