Osmani e uron Macronin: Mbështetja e Francës është kyçe për rrugën euroatlantike të Kosovës

Francezët kanë votuar më 24 prill për të zgjedhur presidentin e tyre për pesë vjetët e ardhshëm.

Presidentja e Kosovës, Vjosa Osmani, ka uruar rizgjedhjen e Emmanuel Macron, në krye të Presidencës së Fracës.

Osmani në Twitter, ka shkruar se pret forcim të bashkëpunimit dhe thëllim të mardhënieve mes Kosovës dhe Francës.

“Unë e përgëzoj Presidentin Emmanuel Macron në rizgjedhjen e tij sonte. Pres me padurim forcimin e bashkëpunimit dhe thellimin e marrëdhënieve tona të shkëlqyera dypalëshe. Mbështetja e tij është kyçe për rrugën tonë të qëndrueshme euroatlantike”, shkroi Osmani.

Macron ka garuar kundër kandidates së ekstremit të djathtë, Marine Le Pen.

Ndryshe, fitorja e pro-evropianit Macron mund të konsiderohet nga disa si pushim nga ngjarjet që kanë goditur politikën kohën e fundit, përfshirë largimin e Britanisë nga Bashkimi Evropian dhe rritjen e një gjenerate të liderëve nacionalistë./Telegrafi/