Ministri Sveçla i reagon Prokurorisë Speciale për rastin Dehari

Ministri i Punëve të Brendshme dhe Administratës Publike, Xhelal Sveçla, i është bashkuar asaj të Drejtësisë, Albulena Haxhiut, në akuzat ndaj Prokurorisë Speciale, pasi publikuan dy gjetjet e ekspertizës shtesë në rastin Dehari

Sipa Sveçlës, Prokuroria Speciale nxitoi për të alarmuar mbi Raportin e ekspertizës nga Instituti zviceran, për rastin Dehari.

“Prokuroria Speciale, para pak ditësh nxitoi për të alarmuar mbi Raportin e ekspertizës nga Instituti zviceran, për rastin Dehari. Ndonëse në këtë raport janë 5 konkluzione, Prokuroria Speciale vendosi t’i publikojë vetëm dy prej tyre, dhe duhet ta kuptojmë pse zgjodhi të mos e jap të vërtetën e plotë. Kush ia kërkoi që me nxitim të flasë pjesshëm për një çështje e cila ka vëmendjen mbase të të gjithë qytetarëve të Republikës. Ky rast duhet të hetohet me profesionalizëm dhe pa asnjë ndikim. Drejtësia për të duhet të vijë në vend. Dhe në anën tjetër organet të cilat merren me këtë çështje duhet të jenë shumë të kujdesshme”, ka shkruar Sveçla.