FMN: Ekonomia e Ukrainës mund të tkurret nga 10 deri në 35 për qind, për shkak të pushtimit rus

Ekonomia ukrainase pritet të tkurret për 10 për qind gjatë këtij viti, si pasojë e pushtimit rus.

Kështu ka paralajmëruar  Fondi Monetar Ndërkombëtar.

Kjo statistikë mund të jetë edhe më e rëndë nëse agresioni rus zgjat edhe më tej.

Në raportin e publikuar sot, FMN-ja tha se ekonomia e Ukrainës mund të tkurret edhe më shumë nga 25 deri në 35 për qind, varësisht nga lufta sa do të zgjasë – e kjo pasqyrë ka marrë për model vendet tjera që janë prekur nga luftërat siç është Iraku dhe Libani.

Në anën tjetër, FMN-ja ka aprovuar fondin emergjent prej 1.4 miliardë dollarë për Ukrainën për të mbuluar boshllëkun prej 4.8 miliardë dollarë – por kjo shumë nuk është e mjaftueshme duke u bazuar në kërkesat që janë.

Borxhi publik i këtij vendi pritet të rritet në 60 për qind këtë vit, për dallim nga viti i kaluar që ishte rreth 50.