30 shtetet e NATO-s nënshkruajnë Protokollin historik të Anëtarësimit të Finlandës dhe Suedisë

30 vendet anëtare të NATO-s kanë nënshkruar protokollet e pranimit për Finlandën dhe Suedinë, duke dërguar ofertat e anëtarësimit të dy vendeve nordike në parlamentet aleate për miratim.

Protokolli nënkupton se Finlanda dhe Suedia mund të bashkohen në takimet e NATO-s dhe të kenë akses më të madh në inteligjencën, por nuk do të mbrohen nga një klauzolë mbrojtëse e aleancës, që një sulm ndaj një aleati është një sulm kundër të gjithëve, deri në ratifikimin.

Sekretari amerikan Blinken e ka quajtur ditë historike për sigurinë trans-atlantike.

Sekretari i përgjithshëm i NATO-s, Jens Stoltenberg, tha në nënshkrimin në selinë e NATO-s së bashku me ministrat e jashtëm finlandez dhe suedez: Ky është vërtet një moment historik. Me 32 kombe rreth tryezës, ne do të jemi edhe më të fortë.

Ai u bëri thirrje aleatëve që të ratifikojnë me shpejtësi dhe siguroi dy vendet nordike për mbështetjen e NATO-s ndërkohë.

Ministrja e jashtme e Suedisë, Ann Linde, falënderoi NATO-n për mbështetjen e saj dhe tha se ajo mezi pret të punojë së bashku “për të garantuar sigurinë tonë kolektive”.

Rusia ka paralajmëruar në mënyrë të përsëritur të dy vendet kundër anëtarësimit në NATO, dhe në mars kërcënoi me “pasoja të rënda ushtarake dhe politike” nëse Finlanda dhe Suedia i bashkohen aleancës.