UEFA njofton për ndryshimet në formatin e Ligës së Kampionëve

UEFA ka njoftuar zyrtarisht për ndryshimet e bëra në formatin e Ligës së Kampionëve.

Shtëpia e futbollit evropian bëri të ditur se numri i skuadrave pjesëmarrëse do të rritet nga 32 në 36, shkruan Gazeta Express.

Kësisoj, secilës skuadër pjesëmarrëse do t’i garantohen së paku tetë ndeshje kundër tetë kundërshtarëve të ndryshëm – katër ndeshje si vendas dhe katër tjera në udhëtim.

Tetë skuadrat më të mira do të kualifikohen automatikisht në fazën e eliminimit direkt, kurse skuadrat nga pozita e nëntë deri në pozitën e 24-të do të garojnë në një “Play-Off” me dy ndeshje, për të siguruar pastaj një vend në 16-she.

Formati i ri do të aplikohet nga sezoni 2024/25.

UEFA njoftoi se ndryshime të ngjashme të formatit do të aplikohen edhe në Ligën e Evropës dhe Ligën e Konferencës. /Gazeta Express/