Twitter më në fund po teston “butonin për redaktim”

Pas vitesh të përdoruesve që kërkonin një veçori të tillë, Twitter më në fund po teston “modifikimin e tweet-eve”.

Twitter (TWTR) tha të enjten në mëngjes që disa përdorues mund të fillojnë të shohin postime të modifikuara sepse po teston butonin e shumëpritur të redaktimit, përcjell Telegrafi.

“Kjo po ndodh dhe ju do të jeni mirë”, ka thënë kompania.

Në një postim në blog të së enjtes, kompania ka bërë të ditur se tweet-et e redaktuara po testohen nga brenda dhe se funksioni do të zgjerohet tek abonentët e shërbimit të saj me pagesë Twitter Blue më vonë këtë muaj.

Përdoruesit jashtë grupit të testimit do të jenë gjithashtu në gjendje të shohin tweet-et e redaktuara në platformë.

Twitter tha në prill se kishte testuar një veçori redaktimi për një vit dhe se do të ishte në dispozicion për abonentët e Twitter Blue brenda disa muajsh.