Tri ekipet nga Kosova luajnë në të njëjtën ditë në Ligën e Konferencës, UEFA sot merr vendim

Tri skuadrat nga Kosova, Drita, Gjilani dhe Llapi tashmë i dinë kundërshtarët e tyre në kuadër të raundit të parë në Ligën e Konferencës, pas hedhjes së shortit në Nyon të Zvicrës.

Por, skuadrat nga Kosova janë shortuar të gjitha të luajnë ndeshjen kthyese si vendas, gjë që paraqet problem, pasi vetëm dy stadiume plotësojnë kriteret e UEFA-s, stadiumi i Prishtinës “Fadil Vokrri, dhe ai i Llapit, “Zahir Pajaziti”.

Megjithatë, siç merr vesh Klan Kosova, sot UEFA do të marrë vendim për ndryshimin e këtij orari, teksa nuk dihet se cila skuadër do të ndërrojë orarin, ku do të luajë një javë më herët.

Ndeshjet e para në kuadër të këtij raundi do të zhvillohen më 7 korrik, derisa ato kthyese një javë më vonë. /Klankosova.tv/