Takimi urgjent Kurti-Rama në Tiranë, nga Qeveria e Kosovës thonë se u diskutuan sfidat me energjinë elektrike

Kryeministri i Kosovës, Albin Kurti sot me urgjenc udhëtoi drejt Tiranës për të takuar homologun e tij nga Shqipëria, Edi Rama.

Zëdhënësi i Qeverisë së Kosovës, Përparim Kryeziu tha për Radio CLUB FM Kosovë, se me theks të veçantë Kurti e Rama kanë folur oër sfidat energjetike.

Sipas Kryeziut, në takim është diskutuar edhe për çështjet e politikave publike e qeveritare dhe socio-ekonomike në Kosovë e Shqipëri.

“Kryeministri Kurti ka zhvilluar sot një takim pune me kryeministrin e Shqipërisë, Edi Rama. Në këtë takim dy kryeministrat kanë folur për çështjet e politikave publike e qeveritare dhe socio-ekonomike në Kosovë e Shqipëri, me theks të veçantë në sfidat energjetike dhe shkëmbimin që po bëjnë KEK me KESh”, theksoi Kryeziu. /CLUB FM Kosovë/