Rama: E kam një lajm për ata që flasin për mosmarrëveshje, nuk përfshihem në politikën e Kosovës

Kryeministri i Shqipërisë, Edi Rama dha një “lajm” për ata që tha se po kërkojnë arsye për të folur mbi mosmarrëveshje mes tij dhe kryeministrit të Kosovës, Albin Kurti, raporton Gazeta Express.

Në konferencën e përbashkët për shtyp me Kurtin, Rama tha se me qeverinë aktuale të Kosovës është realizuar shkalla më e lartë e zbatimit të marrëveshjeve të nënshkruara

“Shpresoj që ky të konsiderohet një fakt, dhe jo një arsye për të bërë spekulime tjera të natyrës politike sepse unë jam i papërfshirë dhe i painteresuar të përfshihem në jetën politike të Kosovës”, shtoi Rama.

“Është krijuar një sinergji shumë pozitive dhe nuk mund të lë pa përmendur edhe qenin që lehte përpara intonimit të himneve kombëtare dhe pushoi. Sapo filluan himnet, qeni nuk lehu më. Ky është qen që mbetet shumë i rëndësishëm nga kjo ditë sepse përbën një simbol të lehjeve për arsye të tërheqjessë vëmendjes”, tha Rama.

“Por kur ne fokusohemi dhe puna vazhdon, lehjet mbesin prapa, si në atë shprehjen e bukur popullore ‘qentë le të lehin, karvani evën para’”, shtoi ai.