Policia reagon për zhvillimet në Veri, thotë se është duke u asistuar kryetarëve për t’i kryer punët

Policia e Kosovës ka reaguar për zhvillimet e sotme në Veri, ku janë lëshuar sirena. Policia ka thënë se është duke asistuar kryetarët e komunave veriore Zveçan, Leposaviq dhe Zubin Potok, për të ushtruar të drejtën e tyre në punë, në objektet zyrtare të komunave përkatëse, raporton Express.

Përmes një njoftimi drejtuar mediave, Policia ka thënë se po ndërmerr masa policore me qëllim të parandalimit të të gjitha veprimtarive kriminale që paraqiten në vend.

Ndryshe, në Zubin Potok, Leposaviq, e Zveçan rreth orës 12:00 janë grumbulluar një grup i vogël qytetarësh. Sipas mediave në gjuhën serbe, ende nuk dihet arsyeja e grumbullimit të tyre.

Përfaqësuesi i Iniciativës Qytetare Milija Bishevac për Zubin Potok , i ka thënë Kossev se është dëgjuar sirena dhe se edhe ai aty është me qytetarët pikërisht në qendër, ku ndodhen Stacioni i Policisë dhe ndërtesa e Komunës.

T7 raporton se janë parë dy vetura të policisë duke shkuar drejt Mitrovicës.