Përveç Ukrainës, Komisioni Evropian mbështet statusin e kandidatit edhe për Moldavinë

Përveç Ukrainës, Komisioni Evropian ka mbështetur edhe Moldavinë që të bëhen kandidatë për anëtarësim në BE.

Dhe pas kësaj, pritet që liderët e vendeve të BE-së do të thonë fjalën e fundit në një samit në Bruksel më 23-24 qershor.

Sipas vlerësimit të Komisionit, Moldavia gjithashtu ka një themel të fortë për të arritur stabilitetin e institucioneve që garantojnë demokracinë, sundimin e ligjit, të drejtat e njeriut dhe integrimin ekonomik me BE-në, përfundoi Komisioni.

“Me kusht që liderët e vendit të qëndrojnë në kurs, ne besojmë se vendi ka potencialin për të përmbushur kërkesat”, citohet të ketë thënë Ursula von der Leyen, përcjell Telegrafi.

Megjithatë, në rastin e Gjeorgjisë, Komisioni tha se duhet t’i jepet vetëm “perspektiva evropiane”, por se duhet të marrë statusin e kandidatit vetëm pasi të jenë adresuar një sërë përparësish.

“Është një hap i madh përpara për Gjeorgjinë… Kjo është një arritje e madhe dhe dera është e hapur”, ka thënë kreu i Komisionit.

“Tani i takon Gjeorgjisë që të ndërmarrë hapat e nevojshëm”, i cili “përcakton gjithashtu, natyrisht, kornizën kohore”. /Telegrafi/