Orkestra e Filharmonisë së Kosovës me koncert në Pallatin e Rinisë

Orkestra e Filharmonisë së Kosovës të dielën nga ora 20:00 do të mbajë koncertin e radhës, në Sallën e Kuqe të Pallatit të Rinisë dhe Sportit në Prishtinë.

Në këtë koncert nën dirigjimin e mjeshtrit Gridi Kraja do të interpretohen uvertura “Coriolan” nga L.V.Beethoven, “Koncert për piano në G-dur” nga M.Ravel me soliste Anila Aliu dhe premiera botërore e veprës “Epic Symphony” nga kompozitori Fatos Qerimaj.

Ky aktivitet po mbahet në kuadër të programit “Filharmonia në lëvizje”. Kujtojmë së koncertin e fundit në këtë program Filharmonia e pati në Shtëpinë e Kulturës “Xhavit Haziri” në Obiliq.