Në Stuttgart bëhet thirrje për protesta, nuk dihet kush është organizatori

Pas thirrjeve për të protestuar në Mitrovicën e Jugut, për gjendjen në veri, e ku nuk dihej se nga kush po bëheshin këto thirrje, tashmë kanë filluar që edhe në diasporë të shpërndahen thirrje të tilla për protestë, por pa u ditur identiteti i organizatorit, thirrje këto të cilat po cilësohen si të dyshimta

Gjatë ditës së djeshme ishte bërë thirrje për t’u mbledhur në jug të Mitrovicës, por këto organizime nuk kishin një emër dhe mbiemër, prandaj u bë thirrje që të injorohen madje dhe kishte reaguar edhe Policia e Kosovës .

Në një fletushkë të shpërndarë në qytetin e Stuttgartit, bëhet thirrje për protestë siç thuhet paqësore, e që sipas kësaj thirrje thuhet se po bëhet për shkak të situatës në veri të Kosovës, por, edhe ky organizim nuk ka asnjë emër të organizatorit. Pra nuk dihet se kush e ka thirrur një protestë të tillë.