Napoli fillon përgatitjet për ta festuar titullin

Napoli tashmë kanë filluar një plan për të festuar titullin e tyre të tretë, derisa skuadra e tyre po i afrohet atij gjithnjë e më shumë

Skuadra e Luciano Spallettit ka qenë njëra prej skuadrave më të mira në Europë në këtë sezon, është e vetme në krye të tabelës dhe duket se nuk do ta këtë problem kalimin as në çerekfinale të Ligës së Kampionëve.

Me 15 ndeshje aq sa kanë mbetur këtë sezon, Napoli ka 15 pikë avantazh para vendit të dytë dhe është me një këmbë në çerekfinale të Ligës së Kampionëve pasi që fituan 2-0 të martën, ku treguan se nuk do të ndalen.

La Repubblica raporton që një ngjarje tashmë është planifikuar që të mbahet në Piazza del Plebiscito më 4 qershor, pasi që sezoni të përfundojë e ku Napoli do të festojë Scudetton. Këngëtari i njohur Gigi D’Alessio pritet të këndojë.

Një tejtër ide është që të organizohen ngjarje në secilën lagje për të shmangur turmat e mëdha në qendër të qytetit. Qyteti i Napolit ka një popullësi mbi tre milionë banorë dhe duke qenë së është vetëm një klub në qytet, qindra mijëra njerëz do të mund të mblidhen në këtë festë.

Plane të tjera po ashtu janë duke u bërë, duke filluar nga plani për trafikun deri te menaxhimi i rëndit publik. /GazetaExçress/