Miratohet në parim projektligji për çmimet tavan te produktet bazë

Ka kaluar në shqyrtim të parë në Kuvendin e Kosovës Projektligji për masat e përkohshme të produkteve themelore në raste të veçanta të destabilizimit në treg.

Për kanë votuar 63 deputetë. Pjesa më e madhe e opozitës kanë lëshuar sallën në momentin kur projektligji është votuar.

Opozita e ka kundërshtuar këtë projektligj të cilin e kanë quajtur edhe antikushtetues.

Qeveria e ka arsyetuar këtë projektligj me rritjen e çmimeve dhe dyshimeve për abuzim për disa nga produktet esenciale. /Reporteri.net