Mënyra më e shpejtë për të reduktuar fryrjet pas një vakti të madh, sipas dietologëve

Të gjithë jemi të vetëdijshëm se të ngrënit e tepërt nuk është i mirë, por të paktën një herë në jetë jemi gjendur në një situatë ku jemi shumë të fryrë pasi kemi konsumuar një vakt të madh dhe të bollshëm.

Fryrja e barkut mund të shkaktojë shqetësim dhe ekziston një mënyrë e shkëlqyer dhe e thjeshtë për të ndihmuar veten.

Dietologët zbuluan për Eating Well se zgjidhja më e mirë dhe gjithashtu më e shpejtë kur keni probleme me fryrjen – lëvizni, për shembull, bëni një shëtitje ose bëni ndonjë aktivitet të ngjashëm fizik më të lehtë.

Dietologia Natalie Rizzo pohon se “ushtrimet e lehta, si ecja, mund të zvogëlojë fryrjen pas një vakti, sepse muskujt e barkut tkurren kur ecim. Kjo rrit lëvizjen e lëngjeve dhe gazrave në zorrë dhe redukton fryrjen”.

Hulumtimet tregojnë rezultate pozitive tek ata që aktivizohen pas një vakti

Një studim i vitit 2021, i botuar në revistën “Gastroenterology and Hepatology from Bed to Bench”, tregoi gjithashtu efektin pozitiv të ecjes pas një vakti të madh.

Rezultatet e hulumtimit të kryer treguan se një shëtitje e shkurtër përmirëson ndjenjën e fryrjes dhe shqetësimit te pjesëmarrësit, transmeton Eating Well.

Dietologia Wendy Bazilian gjithashtu pajtohet me idenë e lëvizjes pas ngrënies.

Ajo shpjegon se “lëvizja e butë, si ecja pas një vakti, stimulon procesin e tretjes duke përmirësuar peristaltikën – lëvizjen natyrale dhe të valëzuar të muskujve në traktin tretës. Kjo ndihmon që ushqimi të lëvizë në mënyrë më efikase nëpër sistem, duke reduktuar ndjenjat e fryrjes dhe parehatisë. Ecja përmirëson rrjedhjen e gjakut në organet e tretjes dhe nxit lirimin e gazit të bllokuar, i cili është një shkak i zakonshëm i fryrjes pas një vakti”./Telegrafi