Mbahet tryezë diskutimi mbi strategjinë përmbyllëse të AKP-së

Agjencia Kosovare e Privatizimit dhe Komisioni Parlamentar për Ekonomi, Industri, Ndërmarrësi dhe Tregti mbajti tryezë diskutimi për Strategjinë Përmbyllëse të AKP-së 2022-2024.

Një fjalë rasti mbajti kryesuesi i Bordit të Drejtorëve të AKP-së, Nazmi Mikullovci.

Ministrja e Ekonomisë Artane Rizvanolli shpalosi qëndrimet e Qeverisë lidhur me Strategjinë Përmbyllëse të AKP-së.

Po ashtu me fjalë rasti mbajti edhe kryetari i Komisionit Parlamentar për Ekonomi, Ferat Shala.

Gjatë kësaj tryeze u diskutua edhe lidhur me Fondin Sovran me ç’rast prezantoi Arta Hoxha, përfaqësuese e Fondit Sovran të Kosovës e cila prezantoi listën e aseteve të mundshme për transferim në fondin sovran.

Gjatë diskutimeve u shtrua nevoja e koordinimit më të ngushtë ndërinstitucional dhe caktimit të grupeve përgjegjës me qëllim të bartjes së listës së aseteve në fondin sovran nga e cila rrjedhimisht do të varet strategjia përmbyllëse e AKP-së, thuhet në komunikatë.