Macron: Jam gati të shqyrtoj statusin e kandidatit të Bosnjë-Hercegovinës

Presidenti francez, Emmanuel Macron shprehu gatishmërinë për të shqyrtuar propozimin e Sllovenisë për t’i dhënë Bosnjë dhe Hercegovinës statusin e kandidatit, domethënë, siç tha ai, “do ta marrë parasysh perspektivën evropiane të BeH”.

Nga ana tjetër, ai thotë se situata e vendit tonë në rajon është “mjaft unike”.

Në një kohë kur Ukraina dhe Moldavia ishin fokusi për marrjen e statusit të kandidatit në BE, kryeministri slloven, Robert Golob propozoi të njëjtën gjë për Bosnje-Hercegovinën.

“Jam plotësisht i disponueshëm për të diskutuar propozimin e kryeministri Golob dhe propozimet e disa kolegëve të tjerë. Për sa më përket mua, qëllimi është të japim shansin maksimal për krijimin e paqes dhe stabilitetit në rajon”, tha Macron.

Megjithatë, ai thekson se situata në Ballkanin Perëndimor është “kritike”, dhe Bosnja dhe Hercegovina është “unike”, raporton klix.ba.

“Stabiliteti i Ballkanit Perëndimor është absolutisht kritik dhe është e qartë se gjatë një prej takimeve tona më të fundit të Këshillit Evropian ne pamë në mënyrë të përsosur zhgënjimin dhe pakënaqësinë që po rritet në rajon. Unë mendoj se ajo që arritëm të rregullojmë midis Bullgarisë dhe Maqedonia e Veriut ishte vendimtare për zgjidhjen e situatës për Shqipërinë dhe Maqedoninë e Veriut. Por në të njëjtën kohë, është e qartë se Bosnja dhe Hercegovina tani është në një situatë mjaft unike në Ballkanin Perëndimor”, tha Macron.

Ai komentoi ndikimet negative ekzistuese mbi këtë vend dhe statusin e kandidatit si një mënyrë për të zgjidhur këtë problem.