Macja më e ‘padobishme’ në botë, sjell miun në shtëpi dhe e ndanë ushqimin me të

Një pronare e një maceje mendon se kafsha e saj mund të jetë një vegane dhe një pacifiste pasi u miqësua me gjahun e saj në vend që të përpiqej ta kapë atë.

Macja gri Misty – që është një gjahtare e padobishme – u pa në fakt duke ndarë ushqimin e saj me një mi të vogël që hyri në shtëpinë e familjes në Thornbury, Gloucestershire të Anglisë.

Pronarja e saj e bëri këtë foto interesante dhe i quajti “Tom dhe Jerry i jetës reale”.

“Dikur lija pak ushqim për të, dhe tani ajo vjen dhe ha ushqimin dhe sjell ‘miqtë’ e saj”, tha pronarja e saj, që jeton në një fermë me burrin e saj dhe Misty-n.

“Ndoshta ajo është vegane. Ajo nuk ishte aq e uritur sa për ta ngrënë miun, kështu që mund ta kishte menduar se ishte thjesht dikush me të cilin ajo mund të luante”.

Çifti adoptoi macen endacake pas ngordhjes së maces së tyre të vjetër, Molly, të cilën e kanë quajtur një “gjahtare të madhe të minjve”, dhe “një mace e duhur ferme”.

Por në vend se ta zinte vendin e saj, Misty trajton shtëpinë si ‘restorant’ për minj dhe dëshiron të luajë me gjahun e saj.

Por pronarët e saj nuk kanë në plan të heqin qafe Misty-n, edhe nëse ajo është pak e padobishme në aspektin e minjve.

“Unë nuk do të sillja një tjetër mace. Ne kemi katër mace ferme afër, dhe janë shumë të afta”. /Telegrafi/