Kurti dhe Abazoviq pajtohen që t’i mbledhin bashkë qeveritë në vjeshtë

Në Davos, kryeministri Kurti e ka takuar homologun e tij nga Mali i Zi, Dritan Abazoviqin. Thotë se janë pajtuar, ndër të tjera, për mbledhje të dy qeverive, në veshtë.

Në kuadër të Forumit Ekonomik Botëror, që mbahet përvjet në Davos të Zvicrës, kryeministri Albin Kurti njofton se e ka takuar e ka biseduar me kryeministrin e Malit të Zi, përcjell Gazeta Express.

“E diskutuam bashkëpunimin, me qëllim të zhvillimit të mëtutjeshëm dhe rritjes së investimeve, sidomos në nevojë e infrastrukturës në lidhjet Decan – Plavë dhë Pejë – Rozhajë. Ne u pajtuam për G2G [mbledhje të qeverive] këtë vjeshtë”, thuhet në një postim të bërë nga kryeministri kosovar në Tëitter.

Kurti thotë se e uroi për marrjen e detyrës Abazoviqin, i cilia u bë kryeministër para pak javësh.

Kryeministri Kurti ka shkuar në Davos direkt nga Amerika, ku qëndroi më shumë se dy javë.