Këto ushqime përmbajnë më shumë kalcium se një gotë qumësht lope

Zakonisht, kur duam të rrisim përqendrimin e kalciumit, konsumojmë qumësht. Gabim i madh, nëse pyet nutricionistët.

Kalciumi njihet si një lëndë ushqyese që ruan sistemin kockor, dhëmbët dhe thonjtë, por gjithashtu luan një rol shumë të rëndësishëm në ruajtjen e shëndetit nervor, organeve të tretjes, muskujve, metabolizmit dhe qarkullimit të gjakut.

Është shumë e rëndësishme nëse vuani nga dhimbje koke të shpeshta, astma, alergji, ulje e dëshirës seksuale, akne, hipertiroidizëm, ankth, si preventivë e mpiksjes së gjakut etj., transmeton Telegrafi.

Farat Chia

Farat magjike chia në 100 gramë kanë, besoni apo jo, më shumë se 630 miligramë kalcium! Zakonisht konsumohen me kos ose në sallatë, ndërsa vitet e fundit adhuruesit e ushqimit të shëndetshëm shijojnë veçanërisht puding chia, që shpesh e bëjnë vetë.

Sardelet

Ka rreth 400 miligramë kalcium në 100 gram sardele dhe gjithashtu do të gjeni shumë acide yndyrore omega-3 dhe vitaminë D në to.

Portokalli i shtrydhur

Portokalli i shtrydhur është një burim shumë i pasur i vitaminës C, por edhe i kalciumit – ka rreth 350 miligramë në një gotë!

Salmoni

Padyshim që peshku më i shëndetshëm përmban shumë lëndë ushqyese super të shëndetshme dhe është interesant fakti se 150 gramë salmon përmban rreth 340 miligramë kalcium.

Fiqtë

Një filxhan nga ky frutë me lëng përmban rreth 320 miligramë kalcium, por nuk duhet konsumuar çdo ditë, sepse është një ushqim jashtëzakonisht me kalori.

Bajamet

Nga të gjitha frutat me gurë, ky frut përmban më së shumti kalcium – rreth njëzet bajame përmbajnë rreth 75 gramë të këtij minerali, po ashtu ka edhe fibra bimore, vitamina të ndryshme… /Telegrafi/