Kerquki: Albin Kurti e mbylli Klan Kosovën, kjo tashmë është betejë për mbrojtjen e demokracisë

Ministria e Industrisë, Ndërmarrësisë dhe Tregtisë ka bërë të ditur se Komisioni për Shqyrtimin e Ankesave për Regjistrimin e Bizneseve ka refuzuar ankesën e Klan Kosova lidhur me pezullimin e certifikatës së biznesit të televizionit.

Ndaj këtij vendimi ka reaguar me anë të një postimi në Facebook gazetari i T7, Leonard Kerquki, duke thënë se “Albin Kurti përmes kukullës së tij, Rozeta Hajdarit, e çoi deri në fund rastin me Klan Kosovën, duke vendosur për mbylljen e tij”.

Tutje Kerquki shprehet se ky është rast i paprecedent për një shtet demokratik, dhe se ky është momenti kur secili gazetar dhe njeri që ia do të mirën këtij shteti, të çohet në mbrojtje të Klan Kosovës.

“Kjo tashme është betejë për mbrojtjen e demokracisë në vendin tonë”, përfundoi ai.