Jasir Asani i papërmbajtshëm – shkëlqen me tre gola dhe një asistim në fitoren e thellë të Gwangju

Sulmuesi shqiptar Jasir Asani ka shkëlqyer në fitoren e thellë që ekipi i tij Gwangju e arriti me rezultat 7-3 ndaj Yokohamas në kuadër të AFC Champions League.

29-vjeçari shënoi golin e parë të ekipit të tij, duke realizuar fillimisht në minutën e dytë për rezultatin 1-0.

Asani e gjeti sërish rrugën e rrjetës, kësaj radhe duke shënuar në minutën e 55-të për rezultatin 3-1.

Golin e het-trikut Asani e gjeti në minutat shtesë të takimit duke realizuar për 7-3, ndërsa asistimin e kishte bërë tek goli i katërt i shënuar nga Beka Mikeltadze.

Kujtojmë se Asani numëron rreth shtatë paraqitje këtë sezon në elitën e futbollit korean ku ka arritur të shënojë dy gola.

Ai ishte i ftuar nga përzgjedhësi Sylvinho për dy ndeshjet e muajit shtator ndaj Ukrainës dhe Gjeorgjisë, aty ku shënoi golin e fitores ndaj ukrainasve./Telegrafi/