iPhone 14 thuhet se do të vijë me një kamerë të përparme më të mirë

Apple thuhet se ka zgjedhur një furnizues të ri për kamerën e saj të përparme për ta bërë atë “të nivelit më të lartë”.

Sipas mediave të huaja, përcjell Telegrafi, furnizuesi koreano-jugor LG Innotek do të instalojë kamerën e re selfie në iPhone 14 dhe iPhone 14 Pro të ardhshëm, sipas një raporti të së hënës nga ET News, duke cituar burime të paidentifikuara të industrisë.

iPhone 14 pritet të lansohet në vjeshtë, dhe gjithashtu thuhet se “do të heqë qafe” iPhone Mini, duke lënë një iPhone 14, iPhone 14 Pro, iPhone 14 Max dhe iPhone 14 Pro Max. /Telegrafi/