Interi arrin marrëveshje personale me Gleison Bremer

Gleison Bremer ka pasur një vit të jashtëzakonshëm në Serie A me fanellën e Torinos.

Qendërmbrojtësi brazilian ka shfaqur formë fantastike dhe është zgjedhur mbrojtësi i sezonit në Serie A.

Shumë skuadra të mëdha janë vënë pas tij, derisa Interi ka gjetur marrëveshje personale me lojtarin.

Gazetari Nicolo Schira ka thënë se Neroazzurët kanë arritur një marrëveshje personale me lojtarin për kontratë katër vjeçare, nga e cila kontratë Bremer do të fitojë pagë vjetore prej tre milionë eurove neto në sezon.

25-vjeçari ka pranuar transferimin te Interi edhe pse në garë për të mbeten edhe Roma, Tottenham Hotspur, Bayern Munich e PSG.

Megjithatë transferimi i tij tek nënkampioni italian ende nuk është kryer, pasi mungon marrëveshja mes Interit dhe Torinos.

Torino po kërkon 30 milionë euro për ta lënë të lirë yllin e skuadrës, derisa Interi nuk po ofron më shumë se 25 milionë euro.

Gjithsesi drejtuesit e dy skuadrave pritet të kenë sërish takim për të gjetur një marrëveshje.