Google largon dhjetëra aplikacione nga PlayStore – përmbajnë kodin dashakeq që zbulon të dhënat e juaja personale

Google ka larguar dhjetëra aplikacione nga dyqani i saj online PlayStore, pasi u zbulua se ato përmbajnë kode dashakeqe që mbledhin informacione të lokacioneve të përdoruesve, numrat e telefonave dhe adresat elektronike.

Këtu përfshihet edhe skaneri i kodeve QR, aplikacionin për motin dhe aplikacionet për lutje myslimane. Disa prej këtyre aplikacioneve, janë instaluar në mbi 10 milionë herë, transmeton Telegrafi.

“Të gjitha aplikacionet në Google Play duhet të jenë në harmoni me masat tona. Kur konstatojmë se një aplikacion shkel rregullat, ndërmarrin masat e duhura”, ka bërë të ditur për BBC, zëdhënësi i Google.

Google më herët pati paralajmëruar programerët e aplikacioneve, se duhet t’ia bëjnë të qartë përdoruesve se cilat informata të tyre do të ndahen derisa përdorin aplikacionin. /Telegrafi/