GAP: Mbi 5 mijë të huaj emigruan në Kosovë vitin e kaluar

Sipas të dhënave të fundit (janar-nëntor 2023) të Ministrisë së Brendshme të Kosovës, numri i personave të huaj të cilëve u është dhënë leje qëndrimi i përkohshëm në Kosovë ishin 5 mijë e 570, prej të cilave 2 mijë e 778 ishin për arsye punësimi.

Kështu ka bërë të ditur Instituti GAP.

Shumica e emigrantëve në Kosovë vijnë nga vendet përreth si Shqipëria, Serbia dhe Maqedonia e Veriut. Po ashtu, ata vijnë edhe nga vende jashtë rajonit si Turqia, Bangladeshi dhe vende të tjera aziatike.