Çifti i njohur do shkojnë në gjyq për kujdestarinë e qenit!

Sofia Vergara dhe Joe Manganiello do sqarojnë se kush do të marrë qenin e tyre pas përfundimit të martesës së tyre shtatëvjeçare.

Qeni i tyre është Bubbles, 10-vjeçar, një miks mes Chihuahua-Pomeranian, të cilin ata të dy e adhurojnë. Çifti janë grindur në rrjetet sociale, duke bërë shpesh shaka se kafshës shtëpiake i pëlqen më shumë Manganiello.

Burimi për median amerikane tha:

“Ata kanë ende disa çështje për të zgjidhur, si kujdestaria e qenit të tyre, Bubbles. Por Sofia shpreson se ata mund të ecin përpara në një mënyrë të qetë dhe të drejtë.”

Të dy nuk kanë fëmijë së bashku, gjë që duhet të lehtësojë pak procedurat e divorcit, por qeni i tyre është bërë një burim konflikti.

Sipas ligjit të Kalifornisë, një gjykatës mund të vendosë se kush mund të marrë kafshë shtëpiake. Në janar 2019, një ligj i ri ndryshoi mënyrën se si trajtohet kujdestaria e kafshëve shtëpiake në rastet e divorcit.

Ky ligj i ri u jep gjyqtarëve fuqinë të marrin në konsideratë kujdesin dhe interesat më të mira të kafshës shtëpiake kur marrin vendime në rastet e ndarjes ose divorcit.

Përpara vitit 2019, gjykatat e Kalifornisë i trajtonin kafshët shtëpiake si pronë. Kafsha shtëpiake do të konsiderohej pjesë e pasurisë që do të ndahej kur të përfundonte martesa. Gjykatësit shpesh e bazonin vendimin e tyre në atë se cila palë e bleu ose adoptoi kafshën.

Kafshët shtëpiake janë ende teknikisht pronë personale, por ky ligj i ri merr parasysh interesin më të mirë të kafshës.