Çfarë është produkti i ri në Twitter i quajtur ‘X’, i paralajmëruar nga Elon Musk?

Aspiratat e Elon Musk për Twitter përfshijnë një produkt të ri misterioz të quajtur “X”.

Sipas Business Insider, përcjell Telegrafi, produkti “X” pritet të lansohet në vitin 2023 dhe do të sillte 9 milionë përdorues brenda vitit të parë.

Kjo është një nga disa ide të përshkruara në planin e madh të miliarderit për të pesëfishuar të ardhurat e Twitter dhe për të katërfishuar madhësinë e bazës së përdoruesve të tij.

Ndryshe, CEO i Tesla ka përmendur një sërë ndryshimesh që ai planifikon të bëjë në aplikacionin e mediave sociale, pas blerjes së platformës për 44 miliardë dollarë.

Midis tyre janë një buton redaktimi dhe një version pa reklama i Twitter.

Megjithatë, Musk nuk i është përgjigjur një kërkese të BI për koment rreth produktit “X” dhe çfarë mund të sjellë ai.