Britney Spears fshin Instagramin pak ditë pas martesës me Sam Asgharin

Këngëtarja Britney Spears ka vendosur të fshijë llogarinë e saj në Instagram dhe këtë e bëri vetëm pak ditë pas martesës me Sam Asgharin.

Nuk është hera e parë që ajo u largua nga rrjetet sociale ku ndan shpesh foto e video, pasi një gjë të tillë e bëri edhe për kujdestarinë e saj në muajin mars.

Foto: Screenshot/Instagram

Gjatë përpjekjes për të hyrë në Instagramin privat të yllit shfaqet gjendja ‘ më falni, kjo faqe nuk është e disponueshme’.

Britney u martua të enjten e kaluar në një ceremoni të zhvilluar në shtëpinë e saj, në Kaliforni.

Kjo është martesa e tretë për Britney, pas asaj me Jason Alexander dhe Kevin Federline.