Belinda nga Kosova nis karrierën në Londër, u shkollua në shkollën e njejtë me Rita Orën e Dua Lipën  

Belinda Vojvoda, 20-vjeçarja nga Skenderaj që jeton në Londër, ishte sot mysafire në emisionin Klubi i Mëngjesit në Radio Club FM Kosovë.

E reja me zërin e mrekullueshëm, e cila deri më tani ka publikuar ‘covers’ të këngëve të njohura, tregoi për klubistat se në shtator do ta publikojë këngën e saj të parë, të cilën e këndoi ekskluzivisht në Klubin e Mëngjesit.

Përveç këngëtare me një zë të fuqishëm, Belinda tregoi se i shkruan vetë tekstet e këngëve.

Talenti i saj u zbulua qysh në moshën 5-vjeçare, kur ishte në klasën e parë, nga mësuesja e saj, ndërkaq në moshën 12-vjeçare filloi të merret profesionalisht me muzikën, duke ndjekur mësimet në shkollën e muzikës ku kanë mësuar edhe yjet nga Kosova me famë botërore, Rita Ora dhe Dua Lipa./ClubFmKosovë/