Apple u jep më shumë liri përdoruesve të iPhone me iOS-18

Përdoruesit e telefonave të mençur iPhone kanë arsye që të gëzohen, duke marrë parasysh lajmin më të fundit për sistemin operativ iOS-18.

Siç raporton ueb-faqja e specializuar MacRumors, me versionin e ri të iOS, iPhone do t’u ofrojë pronarëve shumë më tepër liri kur bëhet fjalë për paraqitjen e ekranit (Home Screen), transmeton Telegrafi.

Ka të ngjarë që ikonat e aplikacioneve të mbeten të “kyçura” në një formacion të caktuar në ekran, për të ruajtur të paktën një nivel uniteti, por burime për këtë portal thonë se përdoruesit do të mund të përditësojnë më lirshëm pozicionet e tyre.

Për shembull, ndoshta do të jetë e mundur të krijohen hapësira, rreshta dhe kolona midis aplikacioneve.

Përdoruesit e iPhone tashmë mund ta bëjnë këtë me disa aplikacione të palëve të treta, por një veçori e ndërtuar paraprakisht do të ishte e mirëpritur.

Që nga iOS 16, është e mundur të redaktoni Lock Screen, kështu që pritet që funksione të ngjashme tani të kalojnë në Home Screen, i cili do të shënonte një nga ndryshimet më të mëdha në ekranin bazë. /Telegrafi/