Albumi i shqiptares Ava Max është për momentin i dyti më i dëgjuari në botë

Këngëtarja shqiptare me renome botërore, Ava Max, ka publikuar pak ditë më parë albumin e saj më të ri me titull “Diamonds & Dancefloors”.

Aktualisht, albumi i artistes me origjinë nga Shqipëria është i dyti më i dëgjuar në nivel global.

Ai madje ka lënë prapa edhe albumin e shumë diskutuar këngëtarit Sam Smith, “Gloria”, i cili ende nuk është publikuar i plotë.

Kopertina e albumit “Diamonds & Dancefloors” nga Ava Max

Albumi ka gjithsej 14 këngë të zhanreve të ndryshme, ku mes tyre janë edhe hitet “A Milion Dollar Baby” dhe “Maybe You’re The Problem”.

Ky është albumi i dytë në karrierën e këngëtares shqiptare me famë botërore, pas suksesit që shënoi me albumin e saj të parë “Heaven and Hell”, i publikuar në vitin 2020. /Telegrafi/