Si ndryshojnë vlerat e presionit të gjakut gjatë ditës

Lëvizja e parregullt e vlerave të presionit brenda 24 orëve mund të jetë një paralajmërim për një mënyrë jetese jo të shëndetshme, por mund të jetë edhe simptomë e sëmundjeve të rënda

Ata që matin rregullisht tensionin e gjakut, shpesh regjistrojnë vlera të ndryshme në mëngjes dhe në mbrëmje. Por kjo është krejtësisht normale, paralajmërojnë mjekët e klinikës së famshme “Mayo”.

Është krejtësisht normale që presioni të bjerë gjatë pasdites dhe mbrëmjes dhe është edhe më i ulët gjatë gjumit, transmeton Telegrafi.

▪ Presioni i lartë i gjakut gjatë natës

▪ Tensioni i lartë i gjakut herët në mëngjes

▪ Ulje shumë e vogël e presionit gjatë natës (më pak se 10 për qind, i ashtuquajturi

nondipping)

Rritja e presionit të gjakut gjatë natës dhe herët në mëngjes shoqërohet me një rrezik të shtuar të sëmundjeve të zemrës. Përveç kësaj, presioni jonormal i gjakut mund të tregojë gjithashtu këto gjendje:

▪ Presion i kontrolluar keq

▪ Apnea

▪ Sëmundjet e veshkave

▪ Diabeti

▪ Sëmundjet e tiroides

▪ Çrregullime të sistemit nervor

Ushqimi i dobët, mungesa e aktivitetit fizik dhe disa stile jetese mund të ndikojnë në devijimet në dinamikën e presionit të gjakut. Këto janë:

▪ Puna e natës

▪ Pirja e duhanit

▪ Obeziteti

▪ Stresi dhe ankthi

▪ Presioni i lartë i gjakut i patrajtuar, apnea e patrajtuar

Pasi të keni matur rregullisht presionin për një kohë dhe keni parë që vlerat lëvizin, mjeku juaj duhet të përcaktojë nëse keni nevojë për trajtim. Ndonjëherë, presioni i gjakut rritet kur pacienti shkon te mjeku.

Lëvizja më e saktë e presionit gjatë ditës mund të përcaktohet me një holter që pacienti mban për 24 orë, gjatë së cilës presioni matet dhe regjistrohet automatikisht në intervale të rregullta.