Gazeta më e madhe austriake: Kosova, shteti i parë në Evropë me reduktime të rrymës

Lajmi për problemin e reduktimeve të rrymës që ka kapluar tërë Kosovën tash e disa javë ka mbërritur edhe në Austri. “Vendi i parë në Evropë ku ndalen dritat”, titullohet artikulli i gazetës më të madhe Austriake “Die Presse” dedikuar situatës aktuale me rrymë në Kosovë.

“Kosova nuk mund të mbulojë më nevojat e saj energjetike dhe për këtë arsye e ndërpret rrymën për dy orë tri herë në ditë”, shkruan Die Presse.

“Kam frikë se situata do të përkeqësohet. Kjo sepse lufta e Rusisë në Ukrainë do të zgjasë shumë”, i ka thënë Luani, babai i dy fëmijëve, gazetës austriake.

Gazeta austriake ka komentuar edhe menaxhimin e situatës nga Kryeministri Albin Kurti, ku vëmendje i është kushtuar faktit se partitë opozitare po e akuzojnë Kurtin për keq-qeverisje. /Reporteri.net