“Skandal shtetëror”, opozita kërkon nisjen e hetimeve mbi lidhjet e Macronit me lobimin në Uber

Politikanët opozitarë në Francë kanë kritikuar presidentin Macron, pas publikimit të dosjeve te Uber, ku tregohej se Macron ka ndihmuar në fushatën e lobimit të kompanisë për t’i përçarë taksitë tradicionale, shkrun The Guardian.

Disa figura atje kanë kërkuar hetim parlamentar mbi dosjet, sipas të cilave, Macron derisa ishte ministër i ekonomisë nga viti 2014 deri në vitin 2016, ka bërë përpjekje të jashtëzakonshme për ta mbështetur Uberin, transmeton Express.

Ndërsa, Alain Vidalies, tha se ishte “i mërzitur” nga shkalla e mbështetjes së Macron për lobimin e Uber-it, veçanërisht që Macron kishte marrë pjesë në “kuazi- takime sekrete me kompaninë, të cilat ai i quajti një lloj “bashkëfajësie”. Ai tha se populli francez kishte të drejtën për “një përgjigje dhe sqarime” nga ekzekutivi.

Jordan Bardella, i partisë së ekstremit të djathtë Rally National, tha se zbulimet treguan se karriera e Macron kishte “një fije të përbashkët: t’u shërbente interesave private, shpesh të huaja, përpara interesave kombëtare”.

Aurore Bergé, udhëheqësja parlamentare e partisë qendrore të Macron, tha se Macron thjesht e kishte bërë punën e tij dhe e kishte bërë mirë. Ajo tha për CNews se Uber kishte krijuar një shërbim që francezët dëshironin dhe Macron kishte lehtësuar me të drejtë ardhjen e kompanive që krijuan vende pune. Mbi akuzat për një marrëveshje të fshehtë, ajo tha: “Nuk kishte asnjë marrëveshje, nuk kishte asnjë çmim pro quo”.