Zbulohen 17 të nominuarit për Rock and Roll Hall of Fame 2026

Rock & Roll Hall of Fame ka zbuluar listën me 17 artistët që do të garojnë për t’u përfshirë në klasën e vitit 2026.

Në mesin e emrave të mëdhenj të industrisë muzikore këtë vit janë:

The Black Crowes

Jeff Buckley

Mariah Carey

Phil Collins

Melissa Etheridge

Lauryn Hill

Billy Idol

INXS

Iron Maiden

Joy Division / New Order

New Edition

Oasis

Pink

Sade

Shakira

Luther Vandross

Wu-Tang Clan

Dhjetë prej artistëve janë për herë të parë në fletën e votimit, përfshirë Jeff Buckley, Phil Collins, Melissa Etheridge, Lauryn Hill, INXS, New Edition, Pink, Shakira, Luther Vandross dhe Wu-Tang Clan.

Sipas rregullave, artistët dhe grupet bëhen të kualifikueshëm për nominim 25 vite pas publikimit të regjistrimit të tyre të parë komercial.

Fletët e votimit do t’u shpërndahen mbi 1,200 artistëve, historianëve dhe profesionistëve të industrisë muzikore, të cilët do të vlerësojnë kandidatët bazuar në ndikimin e tyre në kulturën muzikore, influencën ndaj artistëve të tjerë dhe jetëgjatësinë e karrierës.

Të përzgjedhurit përfundimtarë do të shpallen në muajin prill, ndërsa ceremonia e inaugurimit për klasën e vitit 2026 do të mbahet në vjeshtë.

Përveç kategorisë kryesore, do të ndahen edhe çmimet speciale: Musical Influence Award, Musical Excellence Award dhe Ahmet Ertegun Non-Performer Award./KultPlus.com